(( بدون زعل أوكي ))
1.الثلاث وجبات الرئيسية لازم تقعد عليها أول وحده وماتقوم الا آخر وحده جوعانة المسكينة ياحراااام ،، واحيانا تزيد وجبات اضافية اذا كانت المادة دسمة .
2.تقعد تسوي نفسها طفشانه وتعبانه ويااااااربي مو قادرة اذاكر مدري شبني حاسة بكتمة أمي الظاهر احد قاري علي والا صايبتني عين تقعد امها تقول باسم الله عليك تعالي اقرا عليك يابنيتي
كل هذا عشان اذا سقطت يقولون عين
3.بعضهن ينزل عليها وسواس نظافة ايام الامتحانات تتسبح الصبح والليل وتستشور شعرها كل مرة طبعا مايصير تخليه يتخرب وبكره كيف تروح الجامعة والكتاب على برد طبعا هذي من واجباتها اليومية ماتقدر تتركهاعشان تذاكر مايصير
4.هذي تترك الكتاب على صوب وتقوم تقيس فساتين السهرات اللي عندها عشان بعد الامتحانات على طول فيه عرس فلانه بنت فلان لازم تحدد وش تلبس من الآن وبعضهم ليلة الامتحان عند الخياطة رايحه تسوي بروفه...
5.وبعضهم تنزل عليها صلة الرحم فجأه تقوم تكلم وحده من قرايبها و صديقاتها القدامه من ايام الروضه من زمان ماكلمتها بدها تشوف شو صار معها وتشغلها عن الدراسة
6.وهي تنزل عليها الشطارة فجأة تقوم تسوي العشا لاهلهاوتجلي الجليات
7.وهي مبتليها ربي بالتلفون قالبتها شات مو مسجات ووما تودعها الا قبل الفجر بساعتين
8.وهذي المسكينه اللي توجع القلب مسكت المخده ونامت ولين تصحى تقول يووووووه راحت علي نومه
9.وهي ايام الامتحانات تنزل عليها حالات غريبه كل شوي مشتهيه اكله معينه وماتلقى السواق الا رايح ياي رايح ياي يعني اذاكر وامها ايه يابنيتي وش تبين بس قال ايش تبي تساعدها عشان تفتح نفسها للمذاكرة وما تدري ان كل السالفه عيارة هالنوع من البنات ماتنتهي الامتحانات الا وهي زايده 4 كيلو
خخخخخخخخخخخخخ